Friday, April 30, 2010

ஒன்னுமில்லை



 "எங்க வீட்டு நாய்க்கு நாலு நாளா காய்ச்சல். ஜுரத்துல அது முனங்குறது உன் குரலைத் தான் ஞாபகப் படுத்துது".  இது ஒரு செய்தி. இதையே கவிதையா மாத்தினா,  
"கொஞ்சும்
நாய்க்குட்டி,
உன்னை
நினைக்க வைக்கிறது
அன்பே !"

மேலும் வாசிக்க, 

Thursday, April 15, 2010

விருந்தோம்பல்


அரைஞான் 
கொடியிலிருந்து
நீளும் கயிறு
ஜன்னலில்
முடிந்திருக்க,

"போத்தீஸ்" பாட்டியின் 
பட்டுப் புடவை கணக்கில்
பரவச நிலையிலிருக்கும்
ப்ரைம் ஸ்லாட்டின்
விளம்பர இடைவேளையில்
எதை எதிர்பார்த்து
காத்திருக்கிறீர்கள்,

முகம் திரிந்து 
நோக்கிக் குழையாத
விருந்தோம்பலையா?

**********************************

Monday, April 12, 2010

மூன்று பத்துரூபாய்க்குக் கிடைக்கும் பிளாஸ்டிக் பட்டாம்பூச்சி



இட்ட முட்டை இரண்டில்
ஒன்றை மட்டும் பொரித்து
டயட் கன்ட்ரோலில் வளர்க்கின்றன, 
அபார்ட்மெண்ட் தாழ்வாரத்தில் 
கூடுகட்டும் புறாக்கள்.

*****************************

கண்ணாடித் தொட்டி முழுதும்
அழகழகாய் மிதக்கின்றன
வண்ணமயமாய் 
பிளாஸ்டிக் மீன்கள்,
தண்ணீர் மாற்றும் 
தொல்லையின்றி.

*****************************

சக்கரை பொரிகடலை 
சம்பளமின்றி 
முனியோட்டம் விரட்டி 
கூர்க்கா வேலை பார்க்கிறார்
முச்சந்தி வீட்டின் முன் 
கம்பிக்கூண்டு பிள்ளையார்.


*****************************